Хамгийн эрүүл хоолтой нислэгийн компаниуд тодров

DietDetective.com сайт тун саяхан энэ жил АНУ-ын иргэний агаарын тээврийн үйлчилгээ үзүүлдэг 12 компанийн онгоцны бүхээгт санал болгож байсан хоол унданд судалгаа явуулсан дүнгээ нийтэлсэн байна. Шинжээчид тэдгээр компанийн зорчигчдодоо санал болгож буй хоол хэр эрүүл вэ гэдгийг илчлэгийн хэмжээ, эко бүтээгдэхүүн зэрэг олон шалгууруудад үндэслэж тогтоожээ. 

Судалгааны дүн гартал хамгийн эрүүл хоол ундыг Virgin America компанийн онгоцон дотор өгдөг нь тодорхой болов. Энэ агаарын тээврийн компани сүүлийн гурван жил дараалан боломжит таван онооноос 4.5 оноог авч, чансааг тэргүүлж байгаа юм. 

JetBlue, Delta Airlines компаниуд тус бүр дөрвөн оноо авч удаалжээ. Тэд шинэхэн зуушийг нийлүүлдгээрээ алдартай Luvo компанитай хамтарч ажилласныхаа ачаар ийм амжилтыг үзүүлэв. United Airlines компани 3.25 оноо авсан бол ард нь 2.75 оноотой American Airlines бичигджээ. Бусад компаниуд судалгаанд шударгаар өрсөлдөөгүй гэдгийг онцлох нь зүйтэй болов уу.

 

 

Эх сурвалж www.wikimon.mn